鐵布衫的社會服務

近乎幾個月就有一部新手機推出，鐵布衫？根本唔會係現時電子產品界出現。（對上一款鐵布衫手機應該是Nokia3310吧！）但留意返，電子產品只係換左個方式去穿起鐵布衫而已...

電子產品有他們的「產品循環」，社會服務界現時又如何看待我地既「服務循環」，為2017年做好準備？

老外的綠色電子委員會即將推出的全球分組會議，講緊既係電子循環經濟，循環經濟係一個重新設計，並保持原有產品的零件和材料，將最高效用同價值既東西保留。包括：產品設計採用可回收的材料都比較容易拆卸，如「公平手機」。（Apple 的iPhone SE就是最佳例子）

商業模式永遠係做得比較「前」，佢地通過回收，處理，重新部署他們獲得「重新包裝」的產品價值逆向物流，如手機回收項目，原來賣返出去，仲係可以賣得好貴！一個產品至少做幾年！

點解社會服務唔可以多點從「商業模式」思考？以減少浪費人力資源，成為一個穿了鐵布衫的社會服務，做極都有。但結果係咩？我地好多服務卻變成「做兩做、就唔做」，「冇延續性」及「短期租約」，將經驗及購回的資源都一一浪費。

社會服務並不是「做好一個project」，而是「做好下一個generation」。我地不能不佩服電子產品的循環經濟策略，絕對值得社會服務同工參考的管理方式。