德國青少年渴求一個可靠的精神健康網上平台

筆者在之前多篇文章已提到，網上精神健康平台的裨益甚大，可惠及眾多有需要的社會人士，也能有多方面的好處，包括及早識別、加速配對服務、公眾教育、減少污名、便利研究等等。然而，有些人可能質疑，這是「用家」的想法，抑或只是筆者或其他研究人員的一廂情願呢？這樣一個平台，真的有需求嗎？

事實上，現時已有一些頗成功的網站或平台，例如台灣的「小鬱亂入」、香港中文大學的「StoryTaler 說書人」、「香港精神健康平台」、外國的「Psychforums」、「創傷與解離TraumaAndDissociation」，乃至Facebook上眾多的情緒病群組等等，都發揮著重要的作用，而且也有一定人次和點擊率，值得我們借鏡。

除此之外，德國也曾進行一項研究，探討青少年對網上精神健康平台的看法和需求(Havas, de Nooijer, Crutzen, & Feron, 2011)。研究以半結構形式進行了十場focus group，共106位12至19歲的城市青少年參與。研究結果顯示，參與者表示會在互聯網尋找關於精神健康問題的資訊或支援。參與的青少年更表達了他們對一個網上青少年精神健康網站的渴求，他們希望這樣的平台能提供資訊、自我測試和匿名支援。儘管他們對網站的設計有不同意見，但他們均認為網站的可信度非常重要。

此研究反映，青少年對網上精神健康資訊及支援有一定程度的需求。研究人員建議，青少年健康機構可嘗試以一種創新的額外支援方式，來滿足青少年的需要。研究人員同時建議，機構在發展這樣的網上平台時，應與網頁開發者合作，並考慮教育程度不同的青少年可能對網上資訊和支援有不同的偏好。

Reference

Havas, J., de Nooijer, J., Crutzen, R., & Feron, F. (2011). Adolescents' views about an internet platform for adolescents with mental health problems. Health Education, 111(3), 164-176.

網絡世代下的社會服務品牌

社會服務機構好少講品牌形象(Branding)，總覺得默默耕耘才是王道，卻唔明白要成功建立品牌先有人俾你去耕...。Branding講D乜？呢方面我唔係專家，但簡單D講，就係持分者對一個機構既整體印象。社福機構有一個不可或缺既元素，就係同社會既互動，相反「脫節」同「離地」就正正係一個機構既致命傷。記住，我講既「脫節」同「離地」係指向「持分者對一個機構既整體印象」，而唔係實質既服務內容。而係呢個網絡世代，適當地使用網絡平台，一方面可避免脫節，另一方面對機構品牌亦有十分重要既影響。

最基本既網絡平台，就係一個機構既網站，係呢度以三個大機構(香港明愛、保良局、東華三院)作比較。設計我唔敢評論（不過就算對設計完全無sense既人都知邊個好），但以網絡平台運用黎講東華三院贏幾條街，網站可以直接連結各個主流社交媒體同埋下載手機應運程式，仲俾埋你睇facebook有萬九幾個Like。而且網站仲係響應式設計(Responsive Web Design)，即係你可以用唔同既裝置同手機都睇得好舒服。而保良局亦算正路，有Youtube同facebook專頁，網上捐款亦十分顯眼。至於香港明愛社會工作服務部，贏字數，講完。

再舉一例，上面三間機構既賣旗日既宣傳品。香港明愛同保良局都仲用傳統既單向傳訊既時候(明愛果張仲要係90年代既經典設計...)，東華三院已經玩到facebook同instagram既互動。呢D野真係唔係單單做黎叫人捐多D錢，而係整體品牌既建立。

如果屎味既咖哩同咖哩味既屎當中，必定要二選一既話，我估我都會含淚硬食屎味咖哩，因為始終都係咖哩。但係，既然你賣緊真．咖哩，又何必用一個屎既賣相呢...。