NGO應該投資IT去發展機構嗎？

一間NGO既服務使用者(or客戶)可以有95%來自傳統媒體（轉介、報章雜誌），但卻只有5%來自互聯網。意思即係，就算冇左網頁，NGO都可以生存。咁NGO既腦細好自然會講：「而我不知道什麼是IT！」果然係腦細。

網絡媒體，只係一個工具，更加係伴隨新世代成長既朋友。即使一個網頁整得幾靚，個product包裝得幾好，只要你係唔識得用，一樣係冇用，浪費金錢。香港政府就做了一個錯誤的示範。係政府部門開發Apps既成效，其實一直備受外界質疑，政府於2010年至今，斥資近4,000萬元開發逾160個Apps「上架」，大部分反應極差，有近2成Apps已靜雞雞「下架」，唔少係為特別展覽或者節目開發的一次性App（頂佢個X），其中康文署既「敦煌咩咩隨身聽」及「咩咩探秘」Apps最短命，推出5個月就「下架」。

失敗之作，多不勝數。不如，就等我拆解下呢條失敗公式：

機構希望開拓資源 —> 申請基金 —> 寫基金要創新 —>  腦細問下屬近排興啲咩 —> 腦細話去 —> 下屬就去 —> 申請成功搵IT公司整 —> 開發佈會 —> 冇人用 —> 機構希望開拓資源 —> 申請基金... (無限loop)

「NGO應該投資IT去發展機構嗎？」如果你聽到同事咁樣問腦細，我諗你等於聽到秦始皇有一日同個大臣傾計...

大臣問：吾皇不如勿造青銅，造鋼鐵人乎？

秦始皇理直氣壯話：而我不知道什麼是鋼！殺了他！