24個比利

有本小說，當中的主角，有24個 “自己”，所謂“自己”，就是多重人格分裂。

聽聞荷里活正拍電影版，Leonardo Dicaprio做主角。

多重人格分裂，其實邊個唔係?

呢個世界，有2類人︰玩Facebook的人 vs 唔玩Facebook的人。

所謂玩Facebook ，都好多種。我認識的主流的“平常FB玩家” ，Facebook就是影下仔女、貓貓狗狗，影下Starbucks 杯咖啡, 男女朋友放閃相，而所ADD的朋友，都是那些大中小學的朋友、公司同事。

這些FB用家，通常都比較簡單率性，用真名、背景資料都是真的。

他們絕對有權叫自己，是the one & the only one “比利”。

但FB世界，絕不是這樣簡單的世界。

像筆者這樣的單細胞生物(思想簡單/低B，背景清白，無不良嗜好) 的前線教育服務員，都有多於一個FB account。

正所謂人生憂患識字始，you fb therefore you are，你想點表達自己，點樣用FB，絕對反映你的人生態度。

心理學大師Carl Jung中persona，在FB就是最好的演繹。

平常人把所有 “認識” 的人，都放在FB中，當中包括︰老闆、情人、朋友，但花無百日紅，你敢說每分鐘與每個人都相敬如賓，以禮相待? 本來FB就是講是非、講人壞話的好地方，但FB充斥著親朋戚友，你想怒X你老闆/老友/情人時，能暢所欲言嗎?

那FB仲要來做什麼? 搵個樹洞好過!

當然，你可以好冷靜地，小心地將status set privacy，邊個睇得邊個唔睇得。但如果你比老細捉入房，X完一個鐘，你仲可以慢慢SET好先爆? 人人EQ這樣高，相信很多人間慘劇都可以避免。

當然，你仍可很保守地，只ADD那些最Friend的人，全部都是朋友，接受你是你，有血有肉的你。

但你不犯人，人亦犯你。

不要說那些明星/公眾人物/政治人，連我這些教育服務員/或一些人本服務工作，也要面對被人找上門。

當然，把FB用作純個人情感抒發，這種真的是很web 1.0的幼稚想法。

而那些明星/公眾人物/政治人、甚至FB大戶(叫得大戶，開名都唔怕，例如︰庫SIR、健吾、King Jer，郁D 都10幾萬FANS FOLLOW)。

FB是個兵家必爭之地，識得玩，就算唔係商機無限，都可以指點江山。

但回到素人層面，你總不能將開眼講大話，我無FB account，除非你係政府高官。

最後的處理方法，就是開多幾個戶口，將人種分類，同時亦是將你的PERSONA分類。比喻︰一個戶口是中同(奇怪的簡稱)、一個用來見客/公事、一個比學生/clients、一個用來到處留言(而又不怕被起底)、一個用來約炮(!!)….百家求百貨，見不同人戴不同面具，本來是天經地義。

但越多account、越會計算，往往越易有關公災難。

一個ACCOUNT，長期唔出POST，就被人得悉是僵屍戶口，但不同戶口用不同語言、口吻、精神狀態來處理，絕對是高手的行徑。

而人的習性，除了喜愛夜浦、亦喜愛呃LIKE，如果被FB呃LIKE荼毒到，慢慢地又想百鳥歸巢，至少會愛大戶唔愛散戶。

所以人地話打牌揀女婿，下次可以考慮多個觀察，如果某人見到個蛋糕就即刻upload上IG 或FB，沒有太多考慮。通常呢D人，唔係太純就太奸，娶/嫁得過。(某D人，有幾部手機、N個ACCOUNT，中伏的機會都是比較多)

Always afraid “mudup” in FB, they are very kai