Thursday, April 21, 2016

想打機減壓?識玩一定要玩「模擬市民」(SIMS LIFE)!

港大民意網站,刊登一份由彭嘉麗團隊係2000年就做嘅《港人工作壓力及用腦調查》,發現有接近4成既受訪者認為感到壓力頗大且已超出可負荷範圍,唔知你又係咪其中一位?

廢話啦,香港人大壓力根本係常識,問題係有冇咩方法堅減壓先?外國有關青少年減壓上有一啲工作實務上嘅研究。由Áine Aventin同埋佢嘅團隊,透過研究玩電腦遊戲可以幫助受精神壓力困擾嘅青少年學習控制情緒,甚至會得到明顯改善。
                                                     
玩遊戲減壓已經唔係新鮮事,但玩商業性質網上遊戲,佢地應該係首次研究。而研究團隊所揀嘅電玩就係「模擬市民」(SIMS LIFE)

「模擬市民」可以做平時現實生活你未必會有膽做的事

被研究對象要係遊戲上經歷模擬人生:返工、食飯、瞓覺。(即係同現實一樣sosad),研究人員發現遊戲可以令玩家更加容易掌握人生,由於整個過程都有社工支援,所以參與者更加願意去嘗試遊戲內各種職業,甚至係自己係現實唔會做嘅事。

冇錯,有時套個理念返落人生到都係一樣,如果我哋能夠對我哋嘅人生掌握到多啲,身邊有人「陪」多啲,壓力當然會少啲。不過現實未有時,打下機,自己係遊戲世界FF下都無妨嘅!


進階閱讀來源:Aventin.A, Houston Stan, Macdonald Geraldine (2014),  Utilising a computer game as a therapeutic intervention for youth in residential care: Some preliminary findings on use and acceptability (文章連結)

No comments:

Post a Comment