一連5篇既文獻懶人包，經已去到最後一篇，今次再繼續、唔好俾佢停地，為大家推介值得參考既ICT (Information and Communication Technology)文章，希望大家對ICT與社會服務應用了解更多其發展性及學術應用。
上次同大家分享左一篇有關網上社友與親職教育既文章，今次又介紹一下呢個《Online dating and mating: The use of the Internet to meet sexual partners》。
大家仲記唔記係第二篇曾經分享過網上交友都係selective，揀野嚟睇，而揀得岩既話分分鐘成為得到女神注目既致勝關鍵？今次呢篇文章更加深入了解網上約會者好多時都會經多重過濾先會有下一步行動，例如你既生活興趣。但正所謂你揀人，人揀你，就算係女神唔好咁得戚住。除左因爲好多女仔都識用美圖秀秀之外，仲要識得用生活態度包裝自己，讓自己提高「多樣選擇性」，即係如果你淨係影住個蛋糕同自拍就係好普通囉，但如果你影下做運動，睇下畫展，最愛既音樂會，呢啲相包你直線呃LIKE。
文章裡面提及，透過人既選擇取向係可以預測交往可能，再簡單啲講就係：如果你既交友對象既相片加tag既內容同你相近/有關聯，能夠促成見面既機會大好多，亦即係機會來了呀飛雲都會高好多！
網上交友可以係一種學問，但希望大家唔好以為係認識另一半既唯一途徑，更重要係俾大家反思，網絡生活實在無可避免，今時今日，網上身份會唔會比現實身份更為重要呢？要探討既，仍然有好多空間！想做呢方面研究既朋友，要繼續留意日後既文章喇！
Couch, D. (2008), Online dating and mating: The use of the Internet to meet sexual partners, Qualitative Health Research, P. 268-279
No comments:
Post a Comment